“ერთადერთი, რისიც ივანიშვილს ეშინია, არის ავთენტური, მშვიდობიანი, მასობრივი, დემოკრატიული პროტესტი” – ამის შესახებ “ფედერალისტების” ლიდერი, თამარ ჩერგოლეიშვილი სოციალურ ქსელში წერს.
“ღამის სიჩუმე არა, მაგრამ გალაქტიკური ბოდვა მინდა გავფანტო.
სულ მცირე, მაკმერფივით ვთქვა, რომ ვცადე მაინც გუგულის ბუდეში საღი აზრის შეტანა.
❗️”ეშინია, რომ ხაბეიშვილმა მართლა არ დაამხოს, ამიტომ დაიჭირა“
არაფრით განსხვავდება
❗️”ეშინია, რომ ევროკავშირმა ომში არ ჩაითრიოს და ამიტომ გაწყვიტა ევროინტეგრაცია“.
ერთადერთი, რისიც ივანიშვილს ეშინია, არის ავთენტური, მშვიდობიანი, მასობრივი, დემოკრატიული პროტესტი.
ხაბეიშვილი დაიჭირა იმიტომ, რომ დამხობის მავნებლურ ბოდვას რეალისტური იერი შესძინოს, მშვიდობიანი, მასობრივი, დემოკრატიული პროტესტი დაშალოს და შიშის კულტივაციით, ძალაუფლება შეინარჩუნოს.
ზუსტად ისე, როგორც ევროკავშირთან ინტეგრაცია გაწყვიტა იმიტომ, რომ საქართველოში დემოკრატია ბოლომდე მოკლას, ომის შიშის კულტივაციით ტირანია ჩამოაყალიბოს და ძალაუფლება შეინარჩუნოს.
„ომიც“ და „დამხობაც“, ივანიშვილის მოკავშირეა შიშის კულტივაციასა და ქვეყანაზე კონტროლის შენარჩუნებაში.
ივანიშვილს ეშინია მშვიდობიანი პროტესტის – ბოლომდე! (და არა რომელიმე თარიღამდე)!
მშვიდობიანი პროტესტის დისკრედიტაციისთვის დაიჭირა ხაბეიშვილი და შემოიყვანა სურათში ახალაია.
მე მჯერა, რომ ვერც ხაბეიშვილის მიერ დაყენებული ბოლით, ვერც ახალაიებით და ვერც ფასკუნჯებით, დემოკრატიული პროცესის ჩახშობას ვერ შეძლებს და 13 სექტემბერი ამის დასტურია.
მაგრამ გზას ნუ გვიგრძელებთ მცდარი დასკვნებით, ნუ აქეზებთ სისულელეს და ნუ ხართ ივანიშვილის გოიმები!”