ახალციხეში ავტოსაგზაო შემთხვევა მოხდა. საბარგო სადგურის ტერიტორიაზე, 13 წლის ქვეითად მოსიარულე ბიჭს მანქანა დაეჯახა. ინფორმაციას „სამხრეთის კარიბჭე“ ავრცელებს.
დაშავებული კლინიკაში გადაიყვანეს. არსებული ინფორმაციით, მოზარდის სიცოცხლეს საფრთხე არ ემუქრება.
მომხდარზე შსს-მ გამოძიება სსკ–ის 276 მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.