პარტია “გახარია საქართველოსთვის” გორის საკრებულოს თავმჯდომარის, დავით რაზმაძის, იმპიჩმენტთან დაკავშირებით განცხადებას ავრცელებს.
“გვსურს, გამოვეხმაუროთ „ნაციონალური მოძრაობის“ ლიდერების მიერ მიზანმიმართულად გავრცელებულ ტყუილს, რომ თითქოს ჩვენი პარტიის გორის საკრებულოს წარმომადგენლები უარს აცხადებენ საკრებულოს თავმჯდომარის იმპიჩმენტზე – ეს არის სიცრუე და ემსახურება ჩვენი პარტიის დისკრედიტაციას, ეხმარება მხოლოდ და მხოლოდ „ოცნებას“.
სამწუხაროა, რომ „ნაციონალური მოძრაობის“ ლიდერები „ოცნების“ ტროლებად იქცნენ”. – ნათქვამია პარტიის მიერ გაკეთებულ განცხადებაში.