“სემეკი – ენერგეტიკისა და წყალმომარაგების მარეგულირებელი კომისია” განცხადებას ავრცელებს და წერს, რომ 2025 წლის ივლისსა და აგვისტოში მოქალაქეებს ელექტროენერგიის, ბუნებრივი გაზისა და წყალმომარაგების კომუნალური კომპანიების მიერ უსაფუძვლოდ დარიცხული თანხები ჩამოაწერეს, ჯამში 350 000 ლარის ოდენობით.
მათივე თქმით, კომუნალური კომპანიების წინააღმდეგ სემეკში შესული მოქალაქეთა საჩივრები უსაფუძვლოდ დარიცხულ თანხებს, ხანდაზმულ დავალიანებებს, გამანაწილებელ ქსელზე მიერთების პროცედურებსა და ვადებს ეხებოდა.
“სემეკმა 2025 წლის ივლისსა და აგვისტოში მოქალაქეებს ელექტროენერგიის, ბუნებრივი გაზისა და წყალმომარაგების კომუნალური კომპანიების მიერ უსაფუძვლოდ დარიცხული თანხები ჩამოაწერა, ჯამში 350 000 ლარის ოდენობით.
კომუნალური კომპანიების წინააღმდეგ სემეკში შესული მოქალაქეთა საჩირები შეეხებოდა უსაფუძვლოდ დარიცხულ თანხებს, ხანდაზმულ დავალიანებებს, გამანაწილებელ ქსელზე მიერთების პროცედურებსა და ვადებს.
საჯარო სხდომებზე კომისიის მიერ გადაწყვეტილების მიღებამდე, მოქალაქეთა საჩივრები შეისწავლა სემეკის დავებისა და სერვისების მართვის დეპარტამენტმა.
სემეკი შეახსენებს ელექტროენერგიის, ბუნებრივი გაზის, სასმელი წყლისა და საირიგაციო წყლის მომხმარებლებს, თუ ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს” – წერია განცხადებაში.