“განზრახ მკვლელობის ფაქტზე ერთ პირს ბრალდება წარედგინა” – პროკურატურა განცხადებას ავრცელებს

საქართველოს პროკურატურა განცხადებას ავრცელებს და წერს, რომ  ზუგდიდში, დამამძიმებელ გარემოებაში ჩადენილი განზრახ მკვლელობის ფაქტზე ერთ პირს ბრალდება წარუდგინა.

მათივე თქმით,  13 აგვისტოს, ზუგდიდში, ბრალდებულმა ურთიერთშელაპარაკების დროს, განსაკუთრებული სისასტიკით დაზარალებულს დანით ათეულობით ჭრილობა მიაყენა. მიღებული დაზიანებების შედეგად დაზარალებული ადგილზე გარდაიცვალა.

“საქართველოს პროკურატურამ ზუგდიდში, დამამძიმებელ გარემოებაში ჩადენილი განზრახ მკვლელობის ფაქტზე ერთ პირს ბრალდება წარუდგინა.

შინაგან საქმეთა სამინისტროს მიერ ჩატარებული გამოძიებით დადგინდა, რომ მიმდინარე წლის 13 აგვისტოს, ზუგდიდში, ბრალდებულმა ურთიერთშელაპარაკების დროს, განსაკუთრებული სისასტიკით დაზარალებულს დანით ათეულობით ჭრილობა მიაყენა. მიღებული დაზიანებების შედეგად დაზარალებული ადგილზე გარდაიცვალა.

დაკავებულს ბრალდება საქართველოს სისხლის სამართლის კოდექსის 109-ე მუხლის „მ“ ქვეპუნქტით (განზრახ მკვლელობა, ჩადენილი განსაკუთრებული სისასტიკით) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.

პროკურატურა, ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით, სასამართლოს კანონით დადგენილ ვადაში მიმართავს” – წერია პროკურატურის განცხადებაში.