სოფელ ბებნისში მკვლელობა მოხდა. მოკლულია 50 წლის კაცი, რომელსაც სავარაუდოდ, მეზობელმა ესროლა.
საბედისწერო კონფლიქტი მამაკაცებს შორის ჭირის სუფრაზე დაიწყო, შემდეგ კი ანგარიშსწორება ქუჩაში გაგრძელდა.
ზურაბ იმერლიშვილს მკვლელობაში მხილებულმა კაცმა იარაღიდან მაშინვე ესროლა, როგორც კი მსხვერპლმა სახლის კარი გააუღო.
მედიკოსებს 50 წლის კაცი ადგილზე გარდაცვლილი დახვდათ. სისხლიანი ანგარიშსწორების შემდეგ კი სავარაუდო მკვლელმა გაქცევა სცადა. ირკვევა, რომ შეიარაღებულ მამაკაცს სოფლის ცენტრში პოლიცია შემთხვევით შეხვდა და მათაც ცეცხლი გაუხსნა. ზვიად ნოზაძის ნასროლი ტყვიებით ორი სამართალდამცველი დაიჭრა.
მოკლული კაცი ქარელის მერის წარმომადგენლის, გიორგი იმერლიშვილის ძმაა. ის სოფელში მკვლელობამდე რამდენიმე საათით ადრე ჩავიდა. იმერლიშვილი სამკურნალოდ საფრანგეთში იმყოფებოდა, რადგან მას გულთან დაკავშირებული პრობლემები ჰქონდა.
მკვლელობისთვის და 2 პოლიციელის დაჭრისთვის დაკავებული კაცი წინასწარი დაკავების იზოლატორში იმყოფება.