დღეს, თბილისის საქალაქო სასამართლოში, პროევროპული აქციების დროს დაკავებული ახალგაზრდების სასამართლო პროცესი იმართება.
“ჩემი საკნიდან მზე სულ სხვანაირად ჩანს” – დაწერა ფურცელზე დავით ხომერიკმა და დამსწრე საზოგადოებას უჩვენა. ინფორმაციას ამის შესახებ სოციალურ ქსელში ნანუკა ჟორჟოლიანი ავრცელებს.
“დავით ხომერიკის პროცესზე შემოვედით. დათო სიყვარული ბიჭია, გამორჩეულად ჰუმანური და მოვა დრო, მივყვები საოცარ ამბავს მასზე.
დიდი დარბაზი ისევ სავსეა.
მოსამართლე ისევ გალუსტ 001.
შემოვიდა ღიმილით.
თავი დაგვიქნია მადლობის ნიშნად.
გვაჩვენა ფურცელი წარწერით, “ჩემი საკნიდან მზე სულ სხვანაირად ჩანს” – წერს ნანუკა სოციალურ ქსელში.