“17 წელი გავიდა ომიდან და სამწუხაროდ, ისევ საქართველოს დამოუკიდებლობის დაცვა გვიწევს. უფრო სერიოზული დაცვა, ვიდრე ჩვენს ბიჭებს, რომლებმაც საქართველოს ღირსება დაიცვეს” – განუცხდა ჟურნალისტებს „ლელო-ძლიერი საქართველოს“ წევრმა, ვატო სურგულაძემ მუხათგვერდის ძმათა სასაფლაოზე.
„17 წელი გავიდა ომიდან და სამწუხაროდ, ისევ საქართველოს დამოუკიდებლობის დაცვა გვიწევს. უფრო სერიოზული დაცვა, ვიდრე ჩვენს ბიჭებს, ჩვენს უკან რომ მათი საფლავებია, რომლებმაც საქართველოს ღირსება დაიცვეს. როდესაც გვეუბნებიან, რომ ბოდიში გვაქვს მოსახდელი, ვისთან მაქვს? ვალოდია პუტინს უნდა მოვუხადო ბოდიში? გმირები არ გვჭირდებაო… ანწუხელიძე ისტორიული გმირია. ომი დაგვიწყეს რუსებმა და მე ვარ ამ ომის უშუალო მონაწილე, დასაწყისიდან ბოლომდე. გორშიც კი მომიწია ჩასვლა, როდესაც რუსების მიერ იყო ოკუპირებული. ამიტომაც, არც ბოდიშს მოვუხდი არავის და არც ამ ბიჭების ღირსებას არავის შევალახვინებთ“ – განაცხადა ვატო სურგულაძემ.