იემენში ნავის ჩაძირვის შედეგად 60-ზე მეტი მიგრანტი დაიღუპა. ამის შესახებ „ბიბისი“ წერს.
მიგრაციის საერთაშორისო ორგანიზაციის (IOM) იემენის ხელმძღვანელის ინფორმაციით, შემთხვევა უამინდობის გამო იემენის სამხრეთით აბიანის პროვინციაში მოხდა.
მისი თქმით, 12 ადამიანი გადაარჩინეს და ათობით ადამიანი კვლავ დაკარგულად ითვლება.
ბორტზე მყოფი 150 ადამიანიდან უმეტესობა ეთიოპიის მოქალაქეა.
მედიის ცნობით, მიგრანტები სპარსეთის ყურის სახელმწიფოებში სამუშაოდ მოსახვედრად ხშირად კვეთენ ბაბ-ელ-მანდების სრუტეს. ამასთან, მიგრაციის საერთაშორისო ორგანიზაცია სომალის ნახევარკუნძულიდან იემენამდე მიმავალ გზას „მსოფლიოში ერთ-ერთ ყველაზე საშიშ მიგრაციულ გზად“ მოიხსენიებს. მათივე შეფასებით, ბოლო თვეების განმავლობაში ასობით ადამიანი დაიღუპა ან დაიკარგა გემების ჩაძირვის შედეგად.