თვალჭრელიძის ქუჩაზე სასწრაფო დახმარებაა მისული – ერთ-ერთი გამოსახლებული, რომელმაც ღამე ღია ცის ქვეშ გაათენა, შეუძლოდ გახდა, ის ახლა სასწრაფო დახმარების ბრიგადას საავადმყოფოში გადაჰყავს.
გუშინ თვალჭრელიძის ქუჩაზე მთელი დღის განმავლობაში ხმაური და დაპირისპირება იყო.
გამოსახლებული ოჯახების ნაწილმა ღამე ღია ცის ქვეშ გაათენა. როგორც ადგილობრივები ამბობენ, მათ წასასვლელი არსად აქვთ.
დაპირისპირების დროს პოლიციამ 17 ადამიანი დააკავა, მათ შორის ადგილზე მისული აქტივისტები.
შეგახსენებთ, თვალჭრელიძის ქუჩაზე გამოსახლება 24 ივლისის დილიდან დაიწყო. როგორც აღსრულების ბიურო ამტკიცებს, რომ შენობა ავარიულია და მოქალაქეებისთვის იქ ყოფნა საფრთხის შემცველია. მათივე თქმით, ამას ადასტურებს სამხარაულის ექსპერტიზაც.