“მოვუწოდებ, გავიდეს და ერთი თვე იცხოვროს 700-ლარიან საცხოვრებელში”- ვის მიმართავს ანა დოლიძე

პარტია “ხალხისთვის” ლიდერი ანა დოლიძე თვალჭრელიძის ქუჩაზე მიმდიანრე გამოსახლებას გადაცემა “რეაქციაში“ გამოეხმაურა.

პოლიტიკოსმა იმ 700-ლარიან შეთავაზებას გაუსვა ხაზი, რომელიც სახელმწიფომ იქ მცხოვრებ ადამიანებს შესთავაზა.

დოლიძეს აინტერესებს, როგორ უნდა იცხოვროს საქართველოს მოქალაქემ საქართველოში 700 ლარით და კახა კალაძეს მოუწოდა, თავად გამოსცადოს, როგორ შეძლებს ერთი თვით 700 ლარად ცხოვრებას.

უსახლკარობის პოლიტიკა რომ იყოს, ჩვენ ზუსტად გვეცოდინებოდა, ვის რა ქონება აქვს, ვის არ აქვს საცხოვრისი, 700 ლარით კი არ უნდა ვუზრუნველყოთ ის ადამიანები, 3 თვით, მე თქვენ გეკითხებით, როგორ უნდა იცხოვროს საქართველოს მოქალაქემ საქართველოში 700 ლარით, მე მინდა, კალაძეს მოვუწოდო, გავიდეს და ერთი თვე იცხოვროს 700-ლარიან საცხოვრებელში, 250-დოლარიანში, როგორ უნდა გადარჩეს ეს ხალხი, რომელიც აქ არის, იმ პირობებში, რასაც სახელმწიფო სთავაზობს, – განაცხადა დოლიძემ.

ანა დოლიძემ განაცხადა, რომ ეთერის შემდეგ, თვალჭრელიძის ქუჩაზე წავა და მოსახლეობას მხარდაჭერას გამოუცხადებს.