თბილისში, “აფრიკის” დასახლებაში, თვალჭრელიძის ქუჩაზე, მოსახლეობის გამოსახლების პროცესი მიმდინარეობს.
ადგილზე დილიდან ხმაური და დაპირისპირებაა მოქალაქეებსა და პოლიციელებს შორის.
ერთ-ერთი კორპუსიდან მოსახლეობის იძულებითი გამოსახლების დროს დაპირისპირების ფონზე, პოლიციამ, სავარაუდოდ, სამი ადამიანი დააკავა.
მოსახლეობის პროტესტი მას შემდეგ დაიწყო, რაც პოლიციამ მათ ტერიტორიის გათავისუფლენისკენ მოუწოდა.
ცნობისთვის, როგორც აღსრულების ეროვნულ ბიუროში განმარტავენ, შენობა-ნაგებობები სრულად ამორტიზებულია და იქ მცხოვრები ადამიანების ჯანმრთელობისა და სიცოცხლისთვის საშიშია, რასაც მათივე ინფორმაციით, ადასტურებს სამხარაულის ექსპერტიზის დასკვნა.