“ეს გინდათ ხომ საქართველოსთვის? ყველას დედას გიტირებთ! ეს დაიმახსოვრეთ” – ვის მიმართავს ირაკლი ზარქუა

ქართული ოცნების“ დეპუტატმა, ირაკლი ზარქუამ ჟურნალისტებთან ვიზალიბერალიზაციის თემაზე ისაუბრა და განაცხადა, რომ ეს თემა მათთვის, ნომერ პირველი პრიორიტეტი არ არის.

“ქართული ოცნებისთვის“ N1 ამოცანა არის, რომ ქვეყანაში მშვიდობა იყოს და საქართველო ომში არ ჩაერთოს.” – განაცხადა ზარქუამ.

ზარქუას თქმით, უკრაინას აქვს  ევროკავშირთან უვიზო მიმოსვლა, თუმცა “ტერიტორიები არ აქვს, დედა ეტირა”.

“უკრაინას აქვს ევროკავშირთან უვიზო მიმოსვლა, თავისუფალი ვაჭრობა, მოლაპარაკებები და კანდიდატის სტატუსი, მაგრამ არ ჰყავს მილიონობით ახალგაზრდა, ტერიტორიები არ აქვს, დედა ეტირა – ეს გინდათ ხომ საქართველოსთვის და იმავეს ამზადებთ ჩვენი ქვეყნისთვის? იმ უსამშობლოებსაც, ვინც შემორჩა, დედას ვუტირებთ და ყველას, ვინც საკუთარი ქვეყნის, ხალხის წინააღმდეგ ნაბიჯს გადადგამს, ყველას დედას გიტირებთ! ეს დაიმახსოვრეთ,” – თქვა “ოცნების” დეპუტატმა ჟურნალისტებთან.