BBC-ის ცნობით, პაკისტანში, პენჯაბის პროვინციაში, 24-საათიანი ძლიერი წვიმის შედეგად სულ მცირე 63 ადამიანი დაიღუპა და 290 დაშავდა.
ეროვნული კატასტროფების მართვის სამსახურის ინფორმაციით, ადამიანების უმეტესობა შენობების ჩამონგრევას ემსხვერპლა.
წყალდიდობის შედეგად, პენჯაბის მასშტაბით რამდენიმე გზატკეცილი დაიხურა, ათობით რეისი კი გაუქმდა ან გადაიდო.
პროვინციის მთავარი მინისტრის, მარიამ ნავაზის თქმით, რამდენიმე რაიონში საგანგებო მდგომარეობა გამოცხადდა.