“ტვ პირველის” ინფორმაციით, ბიზნესმენ ლაშა პაპაშვილის ბიზნეს ცენტრში ფინანსური პოლიცია იყო შესული

14 ივლისს, ბიზნესმენ ლაშა პაპაშვილის ბიზნესცენტრში ფინანსური პოლიცია იყო შესული, – ამის შესახებ ინფორმაციას “ტვ პირველი” ავრცელებს.

როგორც “ტვ პირველი” წერს,თითქმის 4-საათიანი სპეცოპერაციის შედეგად დალუქულია სამი კომპანია – TIG, BOS SELF, MAGIC TRAVELS. ჩხრეკისას ამოიღეს დოკუმენტაცია და ელექტრონული მოწყობილობები.

მათივე ინფორმაციით, კომპანიის ყველა თანამშრომელი, მათ შორის, მომსახურე პერსონალი, გამოკითხვაზე გადაიყვანეს. ამ დროისთვის, ლაშა პაპაშვილის კუთვნილ შენობაში საგამოძიებო მოქმედებები დასრულებულია.

როგორც მედია წერს, მათი წყაროს ცნობით, გამოძიება სავარაუდოდ ფულის გათეთრებისა და გადასახადებისგან თავის არიდების ფაქტზე მიმდინარეობს.