“შესაძლებელია მათთან ერთად კიდევ იყო ვინმე…” – რას აცხადებს ალექსი ახვლედიანის ადვოკატი

პროკურატურამ ცეცხლსასროლი იარაღის დაუდევრად შენახვის ფაქტზე ალექსი ახვლედიანს ბრალდება წარუდგინა.

ახვლედიანის ადვოკატმა, ლალი აფციაურმა, ჟურნალისტებთან შემთხვევის გარემოებებზე ისაუბრა. გარდა ამისა, განაცხადა, რომ აუცილებლად მოითხოვს გირაოს.

“მე ყველა ვარიანტში გირაოს მოვითხოვ. ჯერ არ ვარ ამ პოზიციაზე [ოდენობაზე] ჩამოყალიბებული… ბატონმა ალექსიმ მითხრა თავადვე [რომ საავადმყოფოში მიიყვანა თორნიკე რიჟვაძე] 112-ის გამოძახებას აგვიანებდა, ამიტომ უცებ მიიღო გადაწყვეტილება იმიტომ, რომ წამები წყვეტდა ამ ადამიანის სიცოცხლის საკითხს. დასახმარებლად მიმართა იქვე მაცხოვრებლებს. მე გუშინ ვნახე შემთხვევის ადგილი, რომელიც ჯერ ისევ ხელუხლებელია. იქ არანაირი სუფრის კვალი არ არის.

უახლოესი მეგობრები არიან და ხშირადაც სტუმრობდნენ ერთმანეთს. ცეცხლსასროლ იარაღი ინახებოდა ბატონი ალექსის ხელჩანთაში, რომელიც იდო ოთახში… დავაზუსტებ და კიდევ მოგახსენებთ. სადაც თორნიკეს უნდა დაეძინა იმ ოთახში ლოგიკურად ვერ იქნებოდა, არ უნდა ყოფილიყო… ჩანთას ხომ არ ყარაულობთ, როდესაც მეგობრებთან ერთად სადმე სხედხართ ხო?… შესაძლებელია კიდევ იყო ვინმე, საცხოვრებელი სახლია და შესაძლებელია ბატონი რიჟვაძის მამაც იყო“. – ამბობს ალექსი ახვლედიანის ადვოკატი, ლალი აფციაური.