“თორნიკე რიჟვაძის ჯანმრთელობის მდგომარეობა მძიმეა” – რას აცხადებენ პირველ საუნივერსიტეტო კლინიკაში “მეტრონომთან”

თორნიკე რიჟვაძე საგარეჯოდან თბილისში ერთ-ერთ კლინიკაში გადაიყვანეს.

“მეტრონომი” პირველ საუნივერსიტეტო კლინიკას დაუკავშირდა აჭარის მთავრობის ყოფილი თავმჯდომარის, თორნიკე რიჟვაძის ჯანმრთელობის მდგომარეობასთან დაკავშირებით.

კლინიკის თქმით, თორნიკე რიჟვაძის ჯანმრთელობის მდგომარეობა მძიმეა.

“თორნიკე რიჟვაძე საგარეჯოს “ჯეოჰოსპიტალიდან” გადმოყვანილ იქნა თბილისის პირველ საუნივერსიტეტო კლინიკაში. მას ჩაუტარდა ოპერაცია და მისი ჯანმრთელობის მდგომარეობა მძიმეა.” – აცხადებენ კლინიკაში.

შეგახსენებთ,  შსს-ს მიერ გავრცელებული ინფორმაციის თანახმად, „7 ივლისს, საგარეჯოს „ჯეოჰოსპიტალსში“, შეყვანილი იქნა თორნიკე რიჟვაძე, რომელსაც გულმკერდის არეში ცეცხლნასროლი ჭრილობა აღენიშნებოდა.

შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს. ფაქტთან დაკავშირებით მიმდინარეობს ინტენსიური საგამოძიებო მოქმედებები.

თორნიკე რიჟვაძეს ჩაუტარდა გადაუდებელი სამედიცინო დახმარება. ექიმების განმარტებით მას ფილტვი აქვს დაზიანებული და მისი ჯანმრთელობის მდგომარეობა სტაბილურად მძიმეა.

ასევე, ცეცხლსასროლი იარაღის დაუდევრად შენახვისთვის, საქართველოს სისხლის სამართლის კოდექსის 238-ე მუხლით, ბრალდებულის სახით ერთი პირია დაკავებული“, – ნათქვამია ინფორმაციაში.