“ქოცების საკენკს არავინ ჭამს. შეწყალება არჩევნებში მონაწილეობის სანაცვლოდ სასაცილო და ბრიყვული შეთავაზებაა”- ასე ეხმიანება რომან გოცირიძე მიხეილ ყაველაშვილის განცხადებას, რომელმაც შესთავაზა ყველა მსჯავრდებულ პოლიტიკოსს, მიმართოს განცხადებით შეწყალებაზე და დაადასტუროს სურვილი არჩევნებში მონაწილეობის შესახებ, რის შემთხვევაშიც დაუყოვნებლივ გამოსცემს აქტს შეწყალების თაობაზე.
“1. უნდა გამოცხადდეს პოლიტიკური ამნისტია პარლამენტის მიერ,
2. უნდა გაუქმდეს ყველა ჯარიმა და გადახდილი ფული დაბრუნდეს უკან. პერსონალური ჯარიმების ჩამოწერის შემთხვევა იყო პანდემიის დროს.
მიხვდნენ, რომ პროვინციული დიქტატურის ჩამოყალიბების მცდელობა კრახით დამთავრდება. ახლა თავის გადარჩენაზე ფიქრობენ.
არაფერი უშველით. ყველა დამნაშავე დაისჯება. ნუ ექნებათ კოჰაბიტაციის იმედი”- წერს რომან გოცირიძე.