პატიმრის, თორნიკე გოშაძის დედა, მარიზი კობახიძე ამბობს, რომ გიორგი მინდაძის განაჩენმა ისინი კიდევ უფრო გააძლიერა და ახლა უკვე აღარ ეშინია, ხვალ ან ზეგ, მის შვილსაც რომ მიუსჯიან.
კობახიძე დარწმუნებულია, რომ ყველა ერთად ამ ბრძოლას აუცილებლად მოიგებენ, რადგანმიიჩნევს, რომ “ივანიშვილის არ არის ეს ქვეყანა, მას ამ ქვეყანაში, ქვეყნისთვის არაფერი უკეთებია“.
მე გიორგის განაჩენმა კიდევ უფრო გამაძლიერა, კი არ შევშინდი, რომ ხვალ, ზეგ თორნიკესაც მიუსჯიან, ჩვენ უფრო გავძლიერდით და ასე გავაძლიერებთ ერთმანეთს. ჩვენ აუცილებლად მოვიგებთ ამ ბრძოლას, ბიძინა ივანიშვილის არ არის ეს ქვეყანა, მას ამ ქვეყანაში, ქვეყნისთვის არაფერი უკეთებია, მხოლოდ საკუთარი თავისთვის აკეთა. სადაც გაიხედავ მისი შენობები დგას, ის შენობები კი დარჩება ქართველ ხალხს,-განაცხადა კობახიძემ.
მოსამართლე ნინო გალუსტაშვილმა სინდისის პატიმარი, 21 წლის სტუდენტი, გიორგი მინდაძე დამნაშავედ ცნო და 5 წლით თავისუფლების აღკვეთა მიუსაჯა.
განაჩენის გამოცხადებას დარბაზში პროტესტით და შეძახილებით შეხვდნენ. პროტესტი იყო სასამართლოს ეზოშიც.
მონებო” – სკანდირებდნენ გიორგი მინდაძის გულშემატკივრები.
გიორგი მინდაძეს პოლიციელზე თავდასხმას ედავებიან. მის წინააღმდეგ გამოძიება სსკ-ის 353-ე პრიმა მუხლის პირველი ნაწილით მიმდინარეობს, რაც 4-დან 7-წლამდე თავისუფლების აღკვეთას ითვალისწინებს. პროკურატურა ამტკიცებს, რომ მინდაძე პიროტექნიკის საშუალებით პოლიციელს თავს დაესხა, რის შედეგადაც პოლიციელმა ფეხზე დაზიანება მიიღო.