სამოქალაქო აქტივისტი ნათია გაბრავა პოლიციელს სექსუალურ შევიწროებაში ადანაშაულებს. მისი თქმით, შემთხვევა 13 ივნისს, მათე დევიძისთვის პატიმრობის მისჯის შემდეგ გამართულ აქციაზე მოხდა. ნათია გაბრავას თქმით, მან რამდენჯერმე სცადა პოლიციელის ვინაობის დადგენა, თუმცა აქტივისტის თქმით, მიიღო ცინიკური დამოკიდებულება პოლიციელებისგან.
ქალი ამბობს, რომ ჭავჭავაძის გამზირს გაარიდეს შევიწროებაში მხილებული პოლიციელიც.
ეს ვიდეო ინციდენტის შემდეგ არის გადაღებული, ვიდეოში კარგად ისმის, როგორ სთხოვს სამოქალაქო აქტივისტი სავარაუდო შევიწროებაში მხილებული პოლიციელის სახელის გამჟღავნებას, თუმცა, მათგან პასუხს ვერ იღებს. ერთ-ერთი ვისთანაც, მოძალადე პოლიციელის სახელის და გვარის დადგენა სცადა, პოლიციელი ლაშა სალუქვაძეა, თუმცა მთაწმინდა-კრწანისის პოლიციის უფროსისგან დამამცირებელი მოპყრობა მიიღო.
ნათია გაბრავას საგამოძიებო უწყებისთვის შესაძლო სექსუალური დანაშაულის გამოძიების მოტივით არ მიუმართავს – ის უნდობლობას უცხადებს საგამოძიებო უწყებებს და თვლის, რომ სამართალს ამ სისტემაში ვერ იპოვის.