„ხალხის ძალის“ წევრმა, გურამ მაჭარაშვილმა გიორგი გახარიასა და მისი პარტიის – „საქართველოსთვის“ – შესახებ მედიასთან კომენტარი გააკეთა.
„გახარიას პარტიაში რღვევა დაიწყო მაშინ, როცა შექმნა პარტია. თავის წარმომადგენელზე თქვა, დამავიწყდა, სიაში ვერ ჩავსვიო, იქ ვიღაც არ გაითვალისწინა. როგორც კი შექმნა პარტია, მაშინვე წავიდნენ ვიღაცები, მათ შორის, ლიდერები, იმიტომ რომ შეუთანხმებლობა იყო, რადგან გახარიაა ასეთი ბუნების ადამიანი. მას უნდა რომ ქორწილში იყოს ნეფე ყოველთვის, ისე არ მივა არც ერთ ქორწილში. ეს ესე არ ხდება. ეს არის მოცემულობა. აქედან გამომდინარეობს რომ მათთან ვერასდროს იქნება ერთიანობა. დარწმუნებული ვარ, ხოკრიშვილი არ იქნება გამონაკლისი, როდესაც მისი პარტიის წევრები დატოვებენ პარტიას,“ – განაცხადა მაჭარაშვილმა.
შეგახსენებთ, ელგუჯა ხოკრიშვილმა სოციალურ ქსელში დაწერს, რომ მას შემდეგ, რაც თვითმმართველობის არჩევნებში მონაწილეობაზე მსჯელობა დაიწყო, მისი და გახარიას პარტიის პოლიტიკური გზები გაიყო.