ცნობილია, რა გახდა ისანში მამაკაცის მოკვლის მოტივი – ახალი დეტალები

თბილისში, ისნის რაიონში მამაკაცი მოკლეს.

არსებული ინფორმაციით, კაცი მეზობელმა მოკლა. სასტიკ ანგარიშსწორებას წინ მეზობლებს შორის შელაპარაკება უძღოდა.

გავრცელებული ინფორმაციით, 40 წლამდე მამაკაცებს შორის ჩხუბი პარკინგის გამო დაიწყო და ტრაგიკულად დასრულდა.

დანაშაული ცხელ კვალზე გახსნილია.  შინაგან საქმეთა სამინისტროში განაცხადეს, რომ მომხდარზე გამოძიება სსკ-ის 108-ე და 236-ე მუხლებით დაიწყო, რაც განზრახ მკვლელობასა და იარაღის უკანონო შეძენა-შენახვა-ტარებას გულისხმობს.

რაც შეეხება ბრალდებულს, ის დაზიანებებით კლინიკაშია გადაყვანილი.