people.com-ის ცნობით, აშშ-ში, ლუიზიანას შტატში, მამაკაცმა დედა ცემით მოკლა, შემდეგ კი სხეული ნაგვის ურნაში დამალა.
არსებული ინფორმაციით, ცემამდე კაცმა დედას, სავარაუდოდ, მეტამფეტამინი გაუკეთა.
როგორც გამოცემა იუწყება, 65 წლის ქალი პოლიციამ სახლში ავტოფარეხის ქვეშ, ნაგვის ურნაში იპოვა.
მამაკაცმა დედის მკვლელობა მალევე აღიარა.
პოლიციის ცნობით, მამაკაცი ციხეში გადაიყვანეს, სადაც მას ბრალი წაუყენეს პირველი ხარისხის მკვლელობაში.