სკოლა „თაობა“ მოსწავლის ტრაგიკულად დაღუპვის გამო სამძიმრის წერილს აქვეყნებს:
„უდიდესი ტკივილით და მწუხარებით გაცნობებთ ჩვენი მოსწავლის ანანო სავულიდის გარდაცვალების შესახებ.
სკოლა თაობის გუნდი უსამძიმრებს ოჯახს, მეგობრებსა და მთელ სასკოლო საზოგადოებას.
ანანო იყო გამორჩეულად მოაზროვნე მოსწავლე, ემპათიური სხვების მიმართ, ვისაც გულით შეეძლო სხვისი მოსმენა და გვერდით დგომა რთულ წუთებში.
სწორედ ამიტომ გვინდა, დავიმახსოვროთ სინათლის სხივად, რომელიც ცაში ჩნდება მაშინ, როცა ყველაზე მეტად გვჭირდება“, – ვკითხულობთ სამძიმრის პოსტში.
ცნობისთვის, მოზარდი ბათუმში, სიმაღლიდან გადმოვარდა და გარდაიცვალა.