თელავის მუნიციპალიტეტის სოფელ რუისპირში, ერთ-ერთ რესტორანში, 65 წლამდე ასაკის კაცი ბრმა ტყვიით დაიჭრა.
თვითმხილველების ინფორმაციით, შემთხვევა სუფრასთან მოხდა, როდესაც, არსებული ინფორმაციით, საპატრულო პოლიციის თანამშრომელმა იარაღიდან გაისროლა, ბრმა ტყვია კი ადგილზე მყოფ კაცს თავის არეში მოხვდა.
დაჭრილი თელავის რეფერალურ საავადმყოფოშია გადაყვანილი. ექიმების თქმით, მისი ჯანმრთელობის მდგომარეობა მძიმეა და ამ დროისთვის მას ქირურგიული ოპერაცია უტარდება.
გავრცელებული ინფორმაციით, შემთხვევამდე ადგილი არ ჰქონია კონფლიქტს ან რაიმე სახის დაპირისპირებას.
ადგილზე მობილიზებულია პოლიცია, მიმდინარეობს საგამოძიებო მოქმედებები.
“მეტრონომი” დამატებით დეტალებს შსს-ში არკვევს.