თეა წულუკიანმა “საგამოძიებო კომისიის” ანგარიშის წარდგენისას “ნაციონალურ მოძრაობაზე” ისაუბრა და განაცხადა, რომ ენმ იყო ანტიქართული რეჟიმი.
“გამოიკვეთა ისეთი მიმართულებები, რომლებიც საჭიროებს დასკვნაში ასახვას. როგორც დოკუმენტურად იკვეთება, როდესაც ვარდების რევოლუციის შემდეგ მოვიდა ხელისუფლებაში, ნაციონალური მოძრაობა ხელისუფლებაში მოვიდა იმ მოვლენების შედეგად, რომელსაც მცდარად დაერქვა რევოლუცია, ჩვენ ამას ვიკვლევთ და სავარაუდოდ ვიტყვით, რომ ეს არ იყო ხავერდოვანი რევოლუცია, ეს იყო ხავერდოვანი რევოლუციის ფორმით შეფუთული სახელმწიფო გადატრიალება, მაგრამ მერეც, როცა უკვე არჩევნების ჩატარება გახდა საჭირო, ისინი ხელისუფლებაში და ამ დარბაზში შემოვიდნენ გაყალბებული არჩევნების შედეგად…
]…]მაგრამ შესავალ ნაწილში ეს იქნება სათანადოდ ნაჩვენები, რომ ხელისუფლებაში მოვიდა მავნებელი ძალა და ეს ძალა როგორ მოვიდა, მოვიდა გადატრიალებით და გაყალბებული არჩევნებით – იქნება ნაჩვენები დოკუმენტებზე დაფუძნებულად.
[…] მეორე საკითხი რაც გამოიკვეთა, ამასაც მივუჩენთ ადგილს შესავალ ნაწილში, სადაც ვიტყვით, სავარაუდოდ, რომ ეს იყო ყველაფერთან ერთად, ანტიქართული რეჟიმი. ეს ცალსახად იკვეთება ჩვენი კვლევის შედეგად. ამჟამად ვმუშაობთ ძველ საგაზეთო სტატიებზე, ვმუშაობთ მათ მიერ მიღებულ ისეთ გადაწყვეტილებებზე, რომლებიც მიზნად ისახავდა ახალი ქართველის შექმნას, რეალურად ჩვენი ერის გადაგვარებას, ამაში წვლილი შეიტანა გრიფირებულმა სახელმძღვანელოებმა, რომლებიც გამოთხოვილი გვაქვს ახლა განათლების სამინისტროსგან,” – განაცხადა თეა წულუკიანმა.