სპეცოპერაციას კოდური სახელწოდებით “მაქცია” უკრაინის უსაფრთხოების სამსახური ერთი წლის განმავლობაში ატარებდა. გაშიფრულია რუსული კაგებეს სტილის მთელი მოძველებული სქემა – როგორ ცდილობს მოსკოვი უკრაინაში მყოფი ბერძოლების ლიკვიდაციას. ამჯერად სამიზნეში ქართული ლეგიონის მეთაური ამოიღეს.
მამუკა მამულაშვილის ლიკვიდაციისთვის რუსულმა სპეცსამსაურბმა მკვლელი ინტერნეტით მოძებნესს და კოლოსააურ ჯილდოს, ასი ათას დოლარს ჰპირდებოდნენ. დაქირავებულ ქილერს ანონიმური შეტყობინებით მისწერეს, რომ მამულაშვილი კიევის ცენტრში დემონსტრაციულად უნდა აეფეთქებინა და ყველაფერი ვიდეოთი გადაეღოთ.
რუს პოლკოვნიკებს ეგონათ, რომ კავშირზე სავარაუდო მკვლელთან იყვნენ, თუმცა, სინამდვილეში, ეს უკრაინის უსაფრთხოების სამსახურის ორმაგი თამაში აღმოჩნდა. ადამიანი, ვისაც ქართველი მებრძოლის მკვლელობა დაუკვეთეს ,უკრაინის უსაფრთხოების სამსახურის აგენტი იყო. ის ერთი წლის განმავლობაში ანონიმურ შეტყობინებებს სწერდა რუსულ ეფესბესთან კავშირში მყოფ პირებს. თამაში რომ უფრო დამაჯერებული ყოფილიყო, საკუთარი მკვლელობის სცენარის შესახებ წინასწარ იცოდა მამულაშვილმაც და ამ სპეცოპერაციაში უშუალოდ მონაწილეობდა.
ყველაფერი 2024 წლის 29 ნოემბერს დაიწყო. რუსული ეფესბე დაქირავებულ მკვლელთან კავშირზეე ტელეგრამის საშუალებით გადის. მას სთავაზობენ 100 ათას დოლარს მამულაშვილის ლიკვიდაციისთვის და დამატებით ხუთი ათასი დოლარს – თითოეულ ლიკვიდირებულ სხვა მებრძოლზეც. ანონიმური მიმოწერით გაირკვა, რომ რუსებს იმ მეომრების მთელი სია აქვთ, ვისი მოკვლაც უნდათ, თუმცა მათი მცდელობები უშედეგოდ მთავრდება. დაქირავებული ქილერის ნაცვლად რუსულ ეფესბეს უკრაინელი აგენტი შერჩა და მთელი გეგმა მათთან გათქვეს.