ირანის ისლამური რევოლუციის გუშაგთა კორპუსმა (IRGC) განაცხადა, რომ კატარში მდებარე „ალ-უდეიდის“ საჰაერო ბაზაზე მძლავრი სარაკეტო იერიში მიიტანა. ეს თავდასხმა, IRGC-ის განცხადებით, ამერიკის მიერ ირანის „მშვიდობიან“ ბირთვულ ობიექტებზე განხორციელებული თავდასხმის საპასუხო ნაბიჯია.
IRGC-ის ცნობით, საპასუხო შეტევა, რომელიც ოპერაცია „ბაშარათ ალ-ფათის“ ფარგლებში განხორციელდა, ირანის უზენაესი ეროვნული უშიშროების საბჭოს მიერ იყო დამტკიცებული.
განცხადებაში ნათქვამია, რომ „დაარტყი და გაიქეცი“ პოლიტიკის ერა დასრულდა.
IRGC-ის განცხადება გაფრთხილებით დასრულდა: „სამომავლო თავდასხმებმა შესაძლოა გამოიწვიოს როგორც რეგიონში აშშ-ის სამხედრო ინფრასტრუქტურის, ასევე სიონისტური რეჟიმის დაშლა“.
ცნობისთვის, აშშ-ს მიერ ირანის ბირთვულ ობიექტებზე დარტყმების შემდეგ, ირანი აშშ-ს ახლო აღმოსავლეთში მდებარე ბაზებზე იერიშებით დაემუქრა.
კატარში ახლო აღმოსავლეთში აშშ-ის უდიდესი სამხედრო ბაზა, ალ-უდეიდას ავიაბაზა მდებარეობს.