“ნიკა მელიას ეს გადაწყვეტილება სასაცილოდაც არ ჰყოფნის” – ამის შესახებ კოალიცია “ცვლილებისთვის” ერთ-ერთმა ლიდერმა, ელენე ხოშტარიამ “ტვ პირველის” ეთერში განაცხადა და დაკავებული ნიკა მელიასთვის პატიმრობის მეორედ შეფარდების ფაქტს გამოეხმაურა.
ელენე ხოშტარიას თქმით, მიუხედავად ნიკა მელიას “გატაცებისა”, ოპოზიციონერი პოლიტიკოსი ვერ გატეხეს და ვერ შეაცვლევინეს პოზიცია “სისტემასთან” ართანამშრომლობის და “სისტემის არაღიარების” თაობაზე.
ნიკა მელია, ნიკა გვარამია, ზურა ჯაფარიძე, ჩვენ არ ვმოქმედებთ იმის მიხედვით, თუ რას აპირებს “ქართული ოცნება”, რუსული ოცნება. არც ვმარჩიელობთ ამაზე. აქ ყველაზე მნიშვნელოვანი არის ის, რომ თავად ნიკა მელია ვერაფრით ვერ გატეხეს. გინდა ერთი პატიმრობა იყოს, გინდა მეორე, რაც არ უნდა მოიგონონ მათ ფაქტი რჩება ფაქტად – ნიკა მელიას ვერც გატაცებით და ვერც ვერაფრით ვერ შეაცვლევინეს პოზიცია, რომ ის არ აპირებს სისტემასთან თანამშრომლობას, აღიარებას სისტემის მათ შორის ციხეში ყოფნის ხარჯზე. ეს არის ჩვენი კოალიციის მიდგომა და არა მხოლოდ. ეს არის ჩვენი ბრძოლის სტრატეგია…. ნიკა მელიას ეს გადაწყვეტილება (მოსამართლე ირაკლი ხუსკივაძის მიერ მიღებული) სასაცილოდაც არ ჰყოფნის.” – განაცხადა ელენე ხოშტარიამ.
მოსამართლისთვის წყლის შესხმის ფაქტზე, “კოალიცია ცვლილებისთვის” ერთ-ერთ ლიდერს, ნიკა მელიას აღკვეთის ღონისძიების სახით პატიმრობა შეეფარდა. გადაწყვეტილება მოსამართლე ირაკლი ხუსკივაძემ მიიღო.