უნგრეთის დედაქალაქ ბუდაპეშტში მიმდინარე მსოფლიო ჩემპიონატზე ძიუდოში გურამ თუშიშვილმა (+100 კგ) ფინალში იჭიდავა.
ქართველი მძიმეწონოსანი ფინალში ნეიტრალური დროშით მოასპარეზე ინალ ტასოევს დაუპირისპირდა და დამარცხდა.
შეგახსენებთ, რომ ძიუდოს მსოფლიო ჩემპიონატი 13 ივნისს დაიწყო და საქართველოს ნაკრების ანგარიშზე უკვე ოთხი მედალია: ეთერ ლიპარტელიანმა (57 კგ) ოქროს მედალი მოიპოვა, ტატო გრიგალაშვილმა (81 კგ) და გურამ თუშიშვილმა ვერცხლი მოიპოვეს, ლუკა მაისურაძე (90კგ) კი ბრინჯაოს მედალს დაეუფლა.