ინდოეთის ქალაქ აჰმედაბადში, თვითმფრინავის კატასტროფის დროს ერთი მგზავრი, ბრიტანეთის მოქალაქე, 40 წლის ვიშვაშ კუმარ რამეში გადარჩა.
ინდური მედიის თანახმად, გადარჩენილი მგზავრი აცხადებს, რომ აფრენიდან ოცდაათი წამის შემდეგ ძლიერი ხმაური გაისმა და თვითმფრინავი ჩამოვარდა.
ინდური მედია წერს, რომ გადარჩენილმა მგზავრმა „დარტყმითი დაზიანებები“ მკერდზე, თვალებსა და ფეხებზე მიიღო.
„როდესაც ავდექი, ჩემ გარშემო ყველგან გვამები იყო. შემეშინდა, ავდექი და გავიქეცი. ჩემ გარშემო ყველგან თვითმფრინავის ნამსხვრევები იყო. ვიღაცამ ხელი მომკიდა, სასწრაფო დახმარების მანქანაში ჩამსვა და საავადმყოფოში წამიყვანა“, – განაცხადა ვიშვაშ კუმარ რამეშმა.
Mirror-ის ცნობით, თვითმფრინავი სამედიცინო ინსტიტუტის სტუდენტების სასადილო ოთახს შეეჯახა. როგორც BBC იუწყება, ბორტზე ინდოეთის 169, ბრიტანეთის 53, პორტუგალიის 7 და კანადის 1 მოქალაქე იმყოფებოდა. ამასთან, პორტზე 11 ბავშვი იმყოფებოდა.
კადრები იხილეთ ბმულზე