სამოქალაქო აქტივისტი, „ქართული ოცნების“ წევრებთან, ირაკლი ზარქუასა და ვიქტორ სანიკიძესთან ცნობილი დაპირისპირების მონაწილე, ლაშა გაბიტაშვილი სოციალურ ქსელში პოსტს აქვეყნებს.
„აღსრულდა ნება ერის დიადი საქართველოსი !!! გამიუქმდა საქართველოს პირადობა და პასპორტი ! გასაჩივრებული მაქვს სასამართლოში, მაგრამ დრო თუ არ გაწელეს და თან არ გაწამეს ქართველობას ხომ ვერ შეინარჩუნებენ!“, – წერს ის.
შეგახსენებთ, რომ 13 იანვარს, აბუ-დაბიში, „ქართული ოცნების“ დეპუტატები – ირაკლი ზარქუა და ვიქტორ სანიკიძე – მოქალაქე ლაშა გაბიტაშვილს ფიზიკურად დაუპირისპირდნენ.
სოციალურ ქსელში გავრცელებულ კადრებში ჩანს, რომ ლაშა გაბიტაშვილს, სადილობის დროს, ირაკლი ზარქუამ საჭმელი შეაყარა, შემდეგ კი ჩხუბში ვიქტორ სანიკიძეც ჩაერთო.
აბუ-დაბის სამართალდამცავებმა დაპირისპირებული მხარეები დაკითხა. როგორც გაირკვა, მათ ფულადი ჯარიმები დაეკისრათ.