გუშინ, ხაშურში, სამსახურიდან სახლში დაბრუნებულ კაცს, 9 წლის შვილი გარდაცვლილი, ხოლო მეუღლე უგონო მდგომარეობაში დახვდა.
ქალი მალევე გადაიყვანეს ხაშურის საავადმყოფოში, თუმცა როგორც ცნობილია, ის გვიან ღამით უგონო მდგომარეობაში მყოფი რეანიმობილით თბილისში, პირველ საუნივერსიტეტო კლინიკაში გადაიყვანეს.
რეგიონალურ მედია “მოზაიკასთან” ხაშურის სააავადმოყოს დირექტორმა განაცხადა, რომ კვლავ მძიმე მდგომარეობაა და ქალი მართვით სუნთქვაზეა.
“ერთმნიშვნელოვანი პასუხი თუ რამ გამოიწვია ეს მდგომარეობა გვექნება ანალიზის პასუხების შემდეგ. საკვების ნიმუშები ლუგარის ლაბორატორიაშია გაგზავნილი. ესე სამედიცინო კუთხით ბევრ სხვადასხვა დიაგნოზზე შეიძლება ეჭვის მიტანა, ამიტომ რთულია რამის თქმა ანალიზის პასუხების გარეშე. ამ ეტაპზე რაც გამოვრიცხეთ ეს არის სხვადასხვა ორგანოთა პათოლოგია, თავის ტვინის, გულის პრობლემები. პროგნოზზე ვერაფერს ვერ გეტყვით, ვაკეთებთ ყველაფერს”, – თქვა ექიმმა.
გავრცელებული ვერსიების თანახმად, საქმე საკვებით ინტოქსიკაციას ეხება, თუმცა ზუსტი პასუხი ჯერ ცნობილი არ არის.