როგორ აწამეს და როგორ მოკლეს სასტიკი მეთოდების გამოყენებით 22 წლის ახალგაზრდა? – თაზო მთივლიშვილის მკვლელობის საქმეზე არსებითი განხილვა დაიწყო.
სამი ბრალდებული, რომლებიც საქმის მასალების მიხედვით, მკვლელობას შეესწრნენ და არ შეატყობინეს საგამოძიებო უწყებებს და დაეხმარნენ მკვლელს ქვეყნის დატოვებაში, დღევანდელ სხდომაზე მოკლულის ოჯახის წევრებთან ერთად ისმენდნენ რამდენად მძიმე დაზიანებები ჰქონდა მიყენებული ახალგაზრდა კაცს.
სამი დაკავებულიდან, ვისაც დანაშაულის შეუტყობინებლობას ედავებიან, ორი – ვერიკო კაპანაძე და საბა რობაქიძე – დანაშაულს აღიარებს, ლუკა გვენერაძე კი დუმილის უფლებას იყენებს. თაზო მთივლიშვილის მკვლელობას წინ ფიზიკური ანგარიშსწორების რამდენიმე ეპიზოდი უძღოდა – საქმის მასალების მიხედვით, დაკავებულების თვალწინ 36 წლის კაცი გიორგი პაპაშვილი სასიკვდილოდ ურტყამდა, სიკვდილამდე მიიყვანა, ჩაარტყა ხის დაფაც, შემდეგ კი ბრალდებულები მას დაეხმარნენ დანაშაულის დაფარვაში.
თაზო მთივლიშვილის მკვლელობის საქმეს 5 ბრალდებული ჰყავს – მკვლელობაში ბრალდებული გიორგი პაპაშვილი ქვეყნიდან გაიქცა და თავი რუსეთს შეაფარა – ახლა ის ინტერპოლმა დააკავა და მოკლულის ოჯახი მის ექსტრადირებას ელოდება.