ტაივანში, 24 წლის ცნობილი ბლოგერი, გუავა სუიში გარდაიცვალა, რომელიც ცნობილი იყო იმით, რომ კოსმეტიკურ საშუალებებს ჭამდა. ინფორმაციას dailymail-ი ავრცელებს.
ბლოგერმა, რომელიც სოციალურ ქსელში Guava Beauty-ის სახელით იყო ცნობილი, სილამაზის პროდუქტების მიმოხილვის წყალობით, ათასობით გამომწერი დააგროვა.
პოპულარული ბლოგერი “მუკბანგის“ ვიდეოებს წერდა, სადაც ერთგული ფანები მოუთმენლად უყურებდნენ, როგორ ჭამდა ისეთ პროდუქტებს, როგორიცაა პომადა, რუჟი, სახის ნიღბები და ბამბის დისკები.
მედიის ცნობით, ბლოგერი 24 მაისს, “უეცარი ავადმყოფობისგან“ გარდაიცვალა. მისი გარდაცვალების ზუსტი მიზეზი ამ დრომდე უცნობია.