“სირცხვილია და უბედურება გოგოებზე ანგარიშსწორება …” – ამის შესახებ სალომე ზურაბიშვილი სოციალურ ქსელში წერს და ალბი კორძასიას საქმეს ეხმაურება, რომელსაც თეა წულუკიანის შეურაცხყოფას ედავებოდნენ და 10 – დღიანი ადმინისტრაციული პატიმრობა შეეფარდა.
ცნობისთვის,თეა წულუკიანის შეურაცხყოფის ბრალდებით აქტივისტ ალბი კორძაიას თბილისის საქალაქო სასამართლომ 10-დღიანი ადმინისტრაციული პატიმრობა შეუფარდა.
საქმე ეხება 11 აპრილს, თეა წულუკიანის განცხადებას, სადაც მან გიორგი ანწუხელიძე მოიხსენია, როგორც “უაზროდ განწირული ვიღაცის პიარისთვის”. განცხადების შემდეგ აქტივისტები თეა წულუკიანის სახლთან საპროტესტო შეძახილებით მივიდნენ. მათ შორის იყო ალბი კორძაია, რომელმაც წულუკიანს “რუსეთის მონა” და
“ქვეყნის მოღალატე” უწოდა.