„ქართული ოცნების“ შემაჯამებელ შეკრებასთან დაკავშირებით, რომელიც გუშინ, 27 ოქტომბერს, თავისუფლების მოედანზე გაიმართა, ჟურნალისტი ინგა გრიგოლია “ფეისბუქის” პირად გვერდზე წერს:
“საერთოდ არ ვთვლი, რომ დღეს “ოცნების” აქციაზე მიყვანილი ადამიანებიდან, ყველა ძალით იყო მისული, ან ფულით, სულაც არ ვთვლი ასე. ბევრი თავისი ნებით მივიდა, რა თქმა უნდა. უბრალოდ, ჩემი აზრით, ეგაა მათი მხარდამჭერების მაქსიმუმი. ამიტომაც დაიდო მეორე ტურები 20 თვითმმართველ ერთეულში. აბა, ეგ რომ არ იყოს მათი მაქსიმუმი, პირველივე ტურებში ხომ მოიგებდნენ?! – ხოდა, სულ ეგაა რაცაა”, – წერს გრიგოლია სოციალურ ქსელში.
ცნობისთვის, გუშინ, 27 ოქტომბერს, თბილისში, თავისუფლების მოედანზე “ქართული ოცნების” მიერ დაანონსებული აქცია გაიმართა, რომელიც 17:00 საათზე დაიწყო და დაახლოებით ერთი საათის განმავლობაში გაგრძელდა. აქციას მოქალაქეები სხვადასხვა რეგიონიდან შეუერთდნენ.
შეკრების ადგილიდან მოქალაქეებს სიტყვით მიმართეს „ქართული ოცნების“ ლიდერებმა, მათ შორის, პრემიერ-მინისტრმა ირაკლი ღარიბაშვილმა, პარტიის თავმჯდომარემ ირაკლი კობახიძემ, საქართველოს კულტურის, სპორტისა და ახალგაზრდობის მინისტრმა თეა წულუკიანმა, თბილისის მერობის კანდიდატმა კახა კალაძემ.
მათ მოქალაქეებს 30 ოქტომბერს, თვითმმართველობის არჩევნების მეორე ტურზე მისვლისკენ მოუწოდეს.
https://mix.metronome.ge/22853-2/