შინაგან საქმეთა სამინისტროს ინფორმაციით, ნიკა მელია დაკავებულია საქართველოს ადმინისტრაციულ სამართალდარღვევათა კოდექსის 173-ე მუხლის საფუძველზე, რაც სამართალდამცავი ორგანოს თანამშრომლის სიტყვიერ შეურაცხყოფას გულისხმობს.
„ნიკა მელია სამართალდამცველების მიერ დაკავებულია საქართველოს ადმინისტრაციულ სამართალდარღვევათა კოდექსის 173-ე მუხლის საფუძველზე, რაც გულისხმობს სამართალდამცავი ორგანოს თანამშრომლის სიტყვიერ შეურაცხყოფას ან/და სხვაგვარი შეურაცხმყოფელი ქმედების განხორციელებას სამსახურებრივი მოვალეობის შესრულების დროს ან სამსახურებრივი მოვალეობის შესრულებასთან დაკავშირებით.
ადმინისტრაციული სამართალდარღვევის საქმის განხილვისა და შესაბამისი გადაწყვეტილების მიღების მიზნით, ნიკა მელია კანონით დადგენილი წესით წარედგინება სასამართლოს“, – განუცხადეს „პრაიმტაიმს“ შსს-ში.
ცნობისთვის, ცოტა ხნის წინ გავრცელდა ინფორმაცია, რომ “კოალიცია ცვლილებისთვის” ერთ-ერთი ლიდერი ნიკა მელია ლისის მიმდებარე ტერიტორიაზე დააკავეს. ადვოკატის ინფორმაციით, ნიკა მელია იმ დროს დააკავეს, როცა ის გადაცემის ჩასაწერად მიდიოდა.