რუსთაველის გამზირზე, 26 მაისთან დაკავშირებულ ღონისძიებას ევროპარლამენტარი რასა იუკნევიჩიენე შეუერთდა.
ევროპარლამენტარმა მედიასთან კომენტარი გააკეთა.
“ძვირფასო ქართველებო, დიდი პატივისცემით თქვენს წინაშე ვდგავარ და ვამბობ მადლობას, რომ მომეცით შესაძლებლობა ამ განსაკუთრებულ დღეს თქვენს გვერდით ვიდგე. თქვენ, არაჩვეულებრივები ხართ. თქვენ, ჩვენი გმირები ხართ. ბევრი ადამიანის გმირები ხართ ევროპაში. ევროპარლამენტიდან ბევრი მილოცვა მაქვს თქვენთვის ჩამოტანილი და თქვენთვისაც ძვირფასო პრეზიდენტო (სალომე ზურაბიშვილი). თქვენ გყავთ ბევრი მეგობარი ევროკავშირში და ევროპარლამენტში სხვადასხვა ქვეყნიდან. ბევრი ლიეტუველის სახელით მადლობას გიხდით…
ქართველებმა ისევე კარგად იციან თავისუფლების ფასი როგორც ლიეტუველებმა. ყველამ გადავიხადეთ ამ თავისუფლების ფასი, ისევე როგორც უკრაინელებმა, მოლდოველებმა, ბელარუსებმა. ქართველებო, თქვენი ბრძოლა ჩვენი საერთო ბრძოლაა – ბრძოლა ევროპისთვის. ეს იგივე ბრძოლაა, რუსული კოლონიალური იმპერიის წინააღმდეგ, რომელიც საუკუნეების წინ დაიწყო. ყველა დიქტატორს ეშინია საკუთარი ხალხის პირველ რიგში; პუტინს ეშინია საკუთარი ხალხის, ის მათ წამლავს – საქართველოში მას დებიძინიზაციის ეშინია. ეს რეჟიმი და საქართველოს ევროპული მომავალი ერთმანეთთან შეუთავსებელია. ბიძინას მინდა მივმართო, ნუ გეშინია ახალი და სამართლიანი არჩევნების. ისტორია გიყურებს… დიქტატურამ რა ტყუილიც არ უნდა თქვას, ჩვენ ვიქნებით ქართველი ხალხის გვერდით. ჩემი სოლიდარობა დაკავებულებს– განაცხადა ევროპარლამენტარმა, რასა იუკნევიჩიენემ