პოლიტოლოგმა გია ხუხაშვილმა “პალიტრანიუსის” გადაცემაში სხვა საკითხებთან ერთად ოპოზიციური პარტიების ერთიანობაზე ისაუბრა და განაცხადა, რომ როდესაც ვიღაცები ერთმანეთს ვერ იტანენ, ასეთ დროს ზურაბიშვილი სასწაულს ვერ მოახდენს.
„სალომე ზურაბიშვილმა როგორ უნდა გააერთიანოს ოპოზიცია, თუ ესენი ყოველდღიურად ერთმანეთის ზიზღს ასხივებენ და ერთმანეთს ულტიმატუმებით ელაპარაკებიან? მაგალითისთვის ვამბობ, რა უნდა ექნა სალომე ზურაბიშვილს, თუ „ნაციონალური მოძრაობა“ ღიად ვერ იტანს გახარიას და ვიღაცა ვერ იტანს ვიღაცას? რა სასწაული უნდა მოახდინოს სალომე ზურაბიშვილმა?“ – განაცხადა ხუხაშვილმა.