თავდაცვის ყოფილი მინისტრი, ირაკლი ოქრუაშვილი ირაკლი კობახიძის მიერ აშშ-ის პრეზიდენტის, დონალდ ტრამპისა და ვიცე-პრეზიდენტის, ჯეი დი ვენსისთვის მიწერილ ღია წერილს სოციალური ქსელით ეხმაურება.
„ინგლისური ვერსიაც დადონ მაგ წერილის, გრამატიკული შეცდომებიც ჩავუსწოროთ ბარემ“, – წერს ის.
თავისი პოსტის კომენტარებში ოქრუაშვილი ამატებს:
„საფლავში ტრიალებენ ის ხევსურები ამერიკის პრეზიდენტს წერილი რომ მიწერეს.“
შეგახსენებთ ხევსურების წერილს ამერიკის მთავრობისადმი:
„ამერიკის დიდ მთავრობას ხევსურეთის წარმომადგენლების თხოვნა.
– ჩვენი ხევსურეთის ხალხი შეწუხებული არის. ბოლშევიკები გვიკრძალავენ რჯულს. უნდათ კოლხოზების გაკეთება და ბევრი ნალოგების გამორთმევა. მოდიან ხშირად, გვეუბნებიან, მაგრამ ჩვენ თანახმა არა ვართ, მანამ სულ არ დავიხოცებით მთელი ხევსურეთი თანახმა არ ვიქნებით. მართალია იარაღი კი არა გვაქვს, მაგრამ ხმლითა და ხანჯლით უნდა ვიომოთ მაგრად. ამერიკას გთხოვთ დიდი თხოვნით ძლიერი სახელმწიფო ხართ მოგვეშველენით და დახმარება გაგვიწიეთ თორემ ცოდვა ვართ. იმედი გვაქვს, რომ მოგვეშველებით თუ გვიშველით თქვენ თუ არა ჩვენი მშველელი აღარ არი. აბა ძმებო უკანასკნელ დღეში ვართ ჩვენ. მთელი ხევსურეთის წარმომადგენლები: გიგუა ლიქოკელი, ღერენა ლიქოკელი, გიორგი ლიქოკელი.
24/VI 1936 წ.“