ხმაურია საქალაქო სასამართლოში, სადაც, პოლიციელ მირიან ქავთარაძის შეურაცხყოფის საბაბით, მიმდინარე აქციებისას დაპატიმრებული აქტივისტის, საბა სხვიტარიძის ძმის, თორნიკე სხვიტარიძისა და „კოალიცია ცვლილებისთვის“ წევრის, ანი ქავთარაძის მიმართ დაწყებული ადმინისტრაციული საქმეები უნდა განიხილონ.
დაპირისპირება მას შემდეგ დაიწყო, რაც სხდომათა დარბაზში დამსწრეებად შსს-ს წარმომადგენლები შევიდნენ და წინა რიგებში დასხდნენ.
ოჯახის წევრები და ახლობლები ამბობენ, რომ დარბაზი პატარაა და ისინი სხდომაზე დასწრებას ამის გამო ვეღარ მოახერხებენ.
შეგახსენებთ, მირიან ქავთარაძე ის პოლიციელია, რომელზე ძალადობის ბრალდებითაც არის დაპატიმრებული საბა სხვიტარიძე.
17 აპრილს საბა სხვიტარიძის პროცესზე მირიან ქავთარაძე გამოიკითხა. გამოკითხვის დასრულების შემდეგ მირიან ქავთარაძემ დარბაზი საპროტესტო შეძახილების ფონზე დატოვა.