საგამოძიებო სამსახურისსამხახურმა პედოფილიისა და გარყვნილი ქმედების 5 ფაქტი გამოავლინა. დაკავებულია თბილისში მცხოვრები 40 წლის მამაკაცი.
სპეციალური საგამოძიებო სამსახურის ინფორმაციით, დადგინდა, რომ ბრალდებულმა ი.მ-მ, მიზანმიმართულად შექმნა „Facebook-ისა“ და „Instagram-ის“ ყალბი ანგარიშები, რის შემდეგაც სისტემატურად უკავშირდებოდა სხვა რეგიონში მცხოვრებ არასრულწლოვან გოგონებს, უმალავდა მათ საკუთარ ვინაობას, ეცნობოდა სხვა სახელით და ესაუბრებოდა სექსუალური შინაარსის მქონე საკითხებაზე.
ცნობილია, რომ ბრალდებული იგივე მეთოდებით დაუკავშირდა გორის რაიონში მცხოვრებ 11 წლის და თბილისში მცხოვრებ 12 წლის გოგონებს.
2025 წლის 1 მაისს, პროკურატურის მიერ გამოტანილი დადგენილებით, მამაკაცს ბრალდება პედოფილიის, ასევე, გარყვნილი ქმედების 5 ეპიზოდზე წარედგინა. დანაშაული ითვალისწინებს 12 წლამდე თავისუფლების აღკვეთას.