ე.წ. ვაგზლის ბაზრობაზე გუშინ გაჩენილი ხანძრის შედეგად დაზარალებულები ითხოვენ თბილისის მერიის წარმომადგენლების მისვლას.
„თბილისის მერიისგან დახმარებას ვითხოვთ. აქ ვინც ვართ შეკრებილები, ყველა უბრალო ხალხი ვართ. პოლიტიკა ჩვენ არ გვაინტერესებს და არც გვესმის. ჩვენი საქმე არის ჩვენი პურის ფულის მოპოვება.
მე პირადად თბილისის მერიაში რამდენჯერმე დავრეკე, არავინ მიპასუხა. ჩვენ ველოდებით თბილისის მერიის წარმომადგენელს. მოვიდეს ვინმე მერიიდან და გვითხრას, რით დაგვეხმარება და როგორ დაგვეხმარება. მე პირადად საწყობში ტანსაცმელი მქონდა და ახლა კი მხოლოდ ბანკის ვალი დამრჩა, მეტი არაფერი”, – განაცხადა ერთ-ერთმა დაზარალებულმა მოვაჭრემ.
დაზარალებულები ირწმუნებიან, რომ პროდუქცია ჯერ გაიტანეს და შემდეგ დაწვეს. დამწვარ ადგილებში კი ვერ პოულობენ ტანსაცმლის კვალს.