დღეს დილიდან ჟურნალისტის, „ნანუკას ფონდის“ დამფუძნებლის, ნანუკა ჟორჟოლიანის, ასევე სამოქალაქო აქტივისტ მარიამ ბაჯელიძისა და „ადამიანის უფლებათა ცენტრის“ დირექტორის, ალეკო ცქიტიშვილის საცხოვრებელ ბინებში ჩხრეკა ჩატარდა.
აღნიშნულს ყოფილი სახალხო დამცველი, ნინო ლომჯარია სოციალური ქსელით ეხმაურება.
„ორსულ ქალს, ბავშვს საწოლში და შვილმკვდარ მამას რომ შეუვარდები პატიმრების, მათი ოჯახების და ავადმყოფი გაჭირვებული ხალხის დახმარების ბრალდებით…
სუსი, პროკურატურა და შსს ერთად რომ იძიებთ საბოტაჟს და ადამიანის უფლებების სახლი ადამიანის უფლებების ცენტრში რომ გერევათ…
არაკაცობასთან ერთად არაკომპეტენტურობა და უვიცობაა!“, – წერს ლომჯარია.