დღეს დილიდან ჟურნალისტის, „ნანუკას ფონდის“ დამფუძნებლის, ნანუკა ჟორჟოლიანის საცხოვრებელი ბინის ჩხრეკა მიმდინარეობს.
ცოტა ხნის წინ, აღნიშნულთან დაკავშირებით, პროკურატურამ გაავრცელა განცხადება, რომლის მიხედვითაც, „ნანუკას ფონდი“ მონაწილეობდა „საზოგადოებრივი წესრიგის წინააღმდეგ ჩადენილი მძიმე დანაშაულისთვის ბრალდებული პირების და მათი ოჯახის წევრების ფინანსურ უზრუნველყოფაში, ისევე როგორც სამართალდამრღვევი პირებისათვის დაკისრებული ადმინისტრაციული ჯარიმების გადახდაში.“
უწყების განცხადებას სოციალური ქსელით მალევე გამოეხმაურა ჟორჟოლიანი.
„პროკურატურის განცხადება ვნახე:))
ანუ, რას მეუბნებით ხალხო, პირდაპირ მიწერთ რომ ქველმოქმედებისთვის მიდის ჩემი სახლის ჩხრეკა?
განცხადების დამწერიც კი აღარ დაგრჩათ მაანდ?!
ჩემთან ისევ ჩხრეკაა.
და ისევ ცეცხლი ოლიგარქიას!“, – წერს ის.