პოლონეთში ქართველი მოქალაქე არყის მოპარვასა და დაცვის თანამშრომლის დაჭრაშია ბრალდებული.
პოლონურ მედიაში გავრცელებული ინფორმაციით, საქართველოს მოქალაქე პოლონეთის ერთ-ერთ სავაჭრო ობიექტში არყის მოპარვას ცდილობდა, რა დროსაც დაცვის თანამშრომელი დანით დაჭრა. შემთხვევა გასული წლის დეკემბერში მოხდა.
პოლონეთის პროკურატურამ ქართველის დაკავება მოითხოვა, თუმცა სასამართლომ აღნიშნული მოთხოვნა არ დააკმაყოფილა და ბრალდებული ზედამხედველობის საფუძველზე გაათავისუფლა.
მედიის ინფორმაციით, პოლონურმა მხარემ ბრალდებულის მიმართ დაკავების ორდერი გამოსცა, თუმცა ამ დროისთვის ის გაუჩინარებულია და სამართალდამცველები მის ადგილსამყოფელს ადგენენ.