ტელეკომპანია „იმედის“ გადაცემაში „არჩევნები 2021“ ყოფილმა დეპუტატმა, ვალერი გელაშვილმა “ნაციონალური მოძრაობის” მმართველობის პერიოდი გაიხსენა, როდესაც მას განსაკუთრებული სისასტიკით გაუსწორდნენ:
“ამაზე ვინ უნდა იდავოს? მიხეილ სააკაშვილი კრიმინალია და ციხეში უნდა იყოს. ბევრჯერ მისაუბრია ჩემს საქმეზე „ნაცმოძრაობის“ წევრებთან და უპასუხიათ – აბა, რა გეგონა, წინააღმდეგობა რომ გაუწიეო? რატომ არ დათმეო? – ასეთი პასუხი მესმოდა მათგან. უნდა დამეთმო ჩემი სახლი და არაფერი მოხდებოდა. ანგარიშსწორებას ველოდები, მაგრამ წიხლებით გავეთელე და თავის ქალა დამსხვრეული მქონოდა, ამას ნამდვილად არ ველოდი. წინასწარი ვიცოდი, რომ რაღაცას მიპირებდნენ… შიშის ფაქტორმა არ გამაჩერა… ეს მოხდა დღისით, პირველ საათზე, ელიავას ბაზრობის წინ რომ ყველას დაენახა, რომ ვინც წინააღმდეგობას გაგვიწევთ, ყველას უარესი მოგივათო. ეს იყო მათი ამოცანა… როგორც ბიზნესმენი, როგორც პარლამენტის წევრი… ეს იყო მხოლოდ დაშინება. ამის შემდეგ დაიწყო ტერორი, ბიზნესმენების დაშინება და ქონების წართმევა.
შემდეგ მე წავედი ვილნიუსში, რადგან ცოცხალი ვერ გადავრჩებოდი. 4,5 ლიტრი წყალი მქონდა უკვე ფილტვში და ვითიშებოდი, მდგომარეობიდან უკვე ვეღარ გამომიყვანდნენ. მე ეს ვიცოდი, ვგრძნობდი. რეანიმატოლოგები რომ ჩამოვიდნენ, 2 საათი გავრჩერდით აეროპორტში და სანამ სითხე არ ამომიღეს ფილტვებიდან, თვითმფრინავი მაღლა არ აფრინდა. 2 საათის დაგვიანების შემთხვევაში ცოცხალი აღარ ვიქნებოდი“, – იხსენებს ვალერი გელაშვილი.
https://mix.metronome.ge/22046-2/