აღდგომასა და მიცვალებულთა მოხსენიების დღეს საქართველოში უმეტესად უნალექო და თბილი ამინდია მოსალოდნელი – ამის შესახებ გარემოს ეროვნული სააგენტოს ამინდის გრძელვადიანი პროგნოზების განყოფილების უფროსმა, ხათუნა ქოქოსაძემ განგვიცხადა:
– 20-21 აპრილს მთელი ქვეყნის მასშტაბით უმეტესად უნალექო ამინდია მოსალოდნელი. საღამოს საათებში შესაძლოა, მცირე, ხანმოკლე წვიმა იყოს. თუმცა, დღის განმავლობაში უნალექო ამინდია მოსალოდნელი. ტემპერატურაც მაღალია. აღმოსავლეთ საქართველოში, ასევე თბილისში, +20, +22 გრადუსის ფარგლებში იქნება. დასავლეთ საქართველოში კი +19, +20 გრადუსის ფარგლებში.
რაც შეეხება მიმდინარე დღეების ამინდის პროგნოზს, ხვალიდან მთელი ქვეყნის მასშტაბით გამოიდარებს. ტემპერატურაც მოიმატებს. პარასკევსა და შაბათს დასავლეთ საქართველოში +25, +26 გრადუსია მოსალოდნელი. აღმოსავლეთ საქართველოში +20, +22 გრადუსამდე დათბება. ასევე, თბილისშიც უნალექო, თბილი ამინდია მოსალოდნელი.
წყარო