“აბსოლუტურად სხვანაირი ეკონომიკურ მსოფლიოს ვიღებთ, ტარიფების ომი გარდაუვალია“, – ამის შესახებ ეროვნული ბანკის ყოფილმა პრეზიდენტმა რომან გოცირიძემ რადიო „პალიტრისა“ და „პალიტრანიუსის“ გადაცემაში „საქმე“ განაცხადა.
“რაც ახლა ხდება, ეს არის წარმოუდგენელი რამ. როგორიც არ უნდა ყოფილიყო ტრამპის საარჩევნო დაპირებები, ვერავის მოუვიდოდა აზრად, რომ ასეთ უგუნურ გადაწყვეტილებას მიიღებდა, მათ შორის იმ ადამიანებს, რომლებსაც უდიდესი წვლილი მიუძღვის ტრამპის გაპრეზიდენტებაში. ფაქტობრივად, მათი ფულით მოვიდა იგი ხელისუფლებაში და დღეს უკვე თავში ხელებს ირტყამენ, თუ რა ჩაიდინეს.
-0:09 გლობალური ეკონომიკური წესრიგი იცვლება, აბსოლუტურად სხვანაირი ეკონომიკურ მსოფლიოს ვიღებთ, ტარიფების ომი გარდაუვალია. არავითარი შანსი (მის შეჩერების) ჯერჯერობით არ არსებობს, თუ უდიდესი დარტყმა არ მიიღო ამერიკის ეკონომიკამ. როგორც უკვე ამბობენ სხვადასხვა ანალიტიკური სტრუქტურები, 60%-ანი არის ეკონომიკის ვარდნის რისკი და ეს არის რეცესიას რასაც ვუწოდებთ. სულ რამდენჯერმე მოხდა, 4 შემთხვევაა, როდესაც 3 დღის გამავლობაში ასეთი კატასტროფული ვარდნა განიცადა საფონდო ბირჟაზე აქციებმა.
ამ დროს, ასეულობით მილიონ ადამიანს აქვს შეძენილი საფონდო ბირჟაზე 5 000-მდე აქცია. ჩვენი მოქალაქეებისთვისაც 3 წელია გაჩნდა ეს შესაძლებლობა და ჩვენ არ ვიცით, სად არის ეროვნული ბანკი, რომელიც არის მაკონტროლებელი ფინანსური სისტემის. კომერციული ბანკების მეშვეობით ხდება ამ აქციების გაყიდვა და ინფორმაციაც კი არ გვაქვს, ჩვენს მოქალაქეებს რამდენი აქცია აქვთ ნაყიდი.
„ეროვნულ ბანკს“ შეუძლია, რომ ჩვენ ინფორმირებული ვიყოთ, წარმოდგენა რომ გვქონდეს, რა პრობლემასთან გვაქვს საქმე. იგივე ეროვნული ბანკი არის საპენსიო სისტემის ზედამხედველი, ჩვენ საპენსიო ფონს 1 მლრდ ლარი აქვს განთავსებული იმ ფასიან ქაღალდებში, რომელმაც კატასტროფული ვარდნა განიცადა. ჩვენმა საპენსიო ფონდმა 2 დღეში დაკარგა 100 მლნ დოლარი. მე არ ვამბობ კრიტიკულად, საპენსიო ფონდის განთავსებები იყო სწორი და საპენსიო ფონდი ვერ წარმოიდგენდა იმას რაც ახლა მოხდა, იმ უგუნური გადაწყვეტილების შედეგად. მაგრამ, 100 მლნ დავკარგეთ 2-3 დღეში. ამიტომ, ეს ნებისმიერი ქვეყნის მოქალაქეზე და მთლიანად მსოფლიო ეკონომიკაზე ახდენს გავლენას“ – განაცხადა რომან გოცირიძემ.